Ka 6-A-Side Knockout Football Tournament 2023 wa da pynman da ka Lion Sports & Youth Affairs ka Dorbar Chnong Lion Mission Compound dapoi ko cha wakut ynne ka sngi da ka yakhun Final hapyrdi ka Para-I waka Kyrchan Para-I.
Ka Kyrchaan Para-I da yoh ko wow thap nyngong ha ka minit wa 39 lyngba u Dibor Kassar haka minit wa 39 tangwa ka Para-I da ye ko wow pynuiñ ar kool lyngba u Arkini Laloo haka minit wa 43 wa u Bantei Shylla haka minit wa 59 yow jop da 2-1. U Arkini Laloo da yoh u leh yei naam Man of the Match.
Kamtæ ka Para-I kam kawa jop da yoh ko yaka song poisa kawa T. 50,000 katwa ka Kyrchaan Para-I da yoh ko 25,000.
Yei naam Best Goalkeeper kani ka lympung da yoh u Damang Rymbai katwa yei naam Top Scorer da yoh u Sanborlang Kharsahnoh.
Da wan wow pynhaap pyrda ya kani ka 6-A-Side Knockout Football Tournament da u MLA ka Jowai, u Wailadmiki Shylla kam u kongsan wa u Roskil Challam, SDO, PHE Electrical Division kam u symbood kongsan.
