Jowai: Ka Meghalaya State League (MSL) ynne ka sngi da sdang ko ya ka yalehke neibynta ki dhab na ri-loom Jaiñtia wa kynthup ya ka Raliang SPSC, Umlatkhur SC, 7 Wasa SC, Umkiang SC waka Jalaphet Lumsachram SC wei da wan wai ya ka da u S.K. Lato.
Kiwa rah naam jop ha ka Final ka wow pynman ha ka 06-01-18 ha Jowai u yoh ki ya ka song poisa wa T. 5 Lak katwa kiwa rem won u yoh ki T. 3 Lak wei waroh ki dhab wa wan chimbynta da yoh ki T. 1 Lak yow pynbiang ya ka bai lai wan wa kiwi wa hap pynlut ki.
Ki seiñ wa pynman ya ki Tournament kam ki Super Division wow jied ya ki dhab wow yoh u yaleh ha ka MSL daw yoh ki T. 2 Lak wow pynman ya ka Tournament tangwa emkaam u tipmit ka Meghalaya Football Association (MFA) ya ki.
Ha uni u snem da em 20 tylli ki dhab wa wan chimbynta na kylleiñ ka jylla tangwa ka wi da kynran dien ko.
Ha ki yalehke wa pynman ynne ka sngi, ka Raliang da pynrem ko ya ka Umlatkhur da 4-0 heiwa u Dangri Phawa da thap u ha ka minit wa 45+1 wa u Iaishan Ia I Dkhar da yoh Hat trick deiwa thap u le tylli ki kool ha ka minit wa 69,73 wa ka 90+1.
Ha ka yalehke wa bood won, Ka 7 Wasa da pynrem ko ya ka Umkiang da 4-0.
Ya ki kool da thap u Chandra Pakyntein ha ka mint wa 12, u Felix Bang ha ka minit wa 59, u Belonia Lywait ha ka minit wa 64 wa u Iawad Lhuid ha ka minit wa 77.
Ka Umkiang da yoh ko laad wow thap lyngba ka Penalty tangwa ym e laad u uwa yangkool ka 7 Wasa.
Mynstep ka Jalaphet Lumsachram u yachem ko waka 7 Wasa heipor 11 waje i step katwa ka Umkiang u yachem ko waka Raliang heipor 2 waje i sngi.
Discussion about this post