Ka 8th Open To All Knock Out Football Tournament 2024 wa pynman da ka Moosianglamare New & Youth Welfare Organisations Sports Club dapoi ko cha wakut ynnin ka 5 tarik da yakhun hapyrdi ka Ratacherra SC pyrchah yaka Moosianglamare Old SC.
Hachwa u sdang ka yalehke, da yoh yei klam pdiang burom ya kiwa chah khut sñiawbha da u C. Sumer uwa man kam u Chairman ha katai ka sngi wei da yoh leh i klam yahkhmat na u Waheh Chnong ka Moosianglamare New, u Dolloi yong ka Elaka Narpuh wa na ki kattu katni ngut kiwi.
U kongsan haka sngi toh u D. Pohshna uwa man leh kam u MDC warim yong ka Narpuh Constituency.
Neiliang u kongsan da e khublei kyrpang u ya kiwa yahkhmat ka Club wa da ye ki u pynlai bait pynlai ryntih ya kani ka lympung yalehbol nadooh wa sdang wei da kyntu u ya kiwa yahkhmat ka Club wow ya man ki kiwa ya sñiawthooh yumut ha kawon kawon ka kaam khnang wa ki kaam yong ka Club u lai bait lai ryntih chaphrang.
Hawa kyruiñ cha ka yalehke da man ko kawa yoosuk, kawa pynhun ya kiwa wan paitke wei da man ko kawa chongchit heiwa da jop ka Ratacherra SC yaka Moosianglamare Old SC da 5-2 wei da rah syndon ko ya ka song poisa kawa Rs.1,80,000 deilang waka Trophy, katwa Moosianglamare Old SC kam kawa rem da yoh ko ya ka song poisa kawa Rs. 1,00,000 deilang waka Trophy.
Neiliang ka Club da e khublei kyrpang ko ya phi ki paidbah wa da wan pynchongchit ya kani ka Tournament nadooh wa sdang hadooh wa pynkut wa kamjooh ya waroh ki 32 tylli ki Team kiwa da wan chimbynta.
Da e khublei leh ya u Dolloi ka Elaka Narpuh, ya u Shlur Bareh, u Monlang Talang deilang wa kiwi wei kyrpang ya u kongsan yow yoh u dei chait i khiah hei lai luti u chaphrang.
Discussion about this post