Jop ka Riatsaliya, ka Mooknor waka Myrjai haka 3rd Division ka WJDSA

Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.

Ha ka yalehke wa nyngkong, ka Riatsaliya Mihmyntdu da jop ko ya ka Lumkhangdong Kyndongtuber da 3-2.

Ya ka Riatsaliya Mihmyntdu da thap kool da u Heimon Dkhar haka minit wa 51 wa 78 wa u Soki Dkhar haka minit wa 56. Katwa ya ka Lumkhangdong Kyndongtuber da thap da u Wanmi Chyrmang haka minit wa 22 wa 60.

Ha ka yalehke wa ar, ka Nangbah Mooknor da jop ko ya ka Khliehshnong Ialong da 6-4.

Related posts

Wan sakhilang u Eugeneson ya ka Final ka 6-A-Side Knockout Football Tournament ka Lion Sports and Youth Affairs

June 22, 2025

Da ka yalehbol wei pynsñiawthooh paidbah pynman ki pulit ka WJH wow yakhun ya i drugs

June 22, 2025

Ya ka Nangbah Mooknor da thap kool u Poimi Thubru haka minit wa 36, 40+1 wa 4, u Rilangki Sungoh haka minit wa 60 wa 78 wa u Teilang Lamare haka minit wa 74. Katwa ya ka Khliehshnong Ialong da thap da u Chimiki Pale haka minit wa 17,31 wa 80 wa u Shimlut Dkhar haka minit wa 52.

Ha ka yalehke wa le, ka Myrjai da jop ko yaka Nangbah Khloopano da 3-0 lyngba ki kool wa thap da u Treilang Kyndait haka minit wa 10 wa 65 wa u Teibha Phawa haka minit wa 55.

Mynstep ka 22 tarik leh daw pynman le tylli hi ki yalehke kiwa daw sdang chwa da ka Mupliang waka Newhill heipor 11:00 waje i step, ka Mookyrdup waka Chyrmang Wah heipor 1:00 waje i sngi iwa daw pynkut da ka Lumbhahdakha Wahiajer waka Mynso Blazon heipor 3:00 waje noh chariñ ka sngi.