Ka yakob miat kynthai wa tip kam ka The Loft Winter Queen Shillong 2023, da pynman yaka ha U Sosotham Auditorium, Shillong haka 8 tarik uni u bnai da ka The Loft Cafe Shillong deiwa kyrchaan ka Dr. E.D. Suchiang kawa man leh kam ka Fellow ka Royal Society of Public Health London wei da pynbait wei pyntoh pyntne da ka Meepo Management.
Ya kani ka yakob da pynman yow pynmih poisa ya kiwa da tymmen wa kiwa da heh rta heiwa waroh ka poisa wa mih u lai ko cha ki.
Ya kiwa chimbynta da bichaar da ka Dr. E.D. Suchiang, FCCM, neitæ uwa chna riam wa paw naam, u Arif Mukhim, u Lee Middleton (Makeup Artist) wa u S. Marwein uwa man kam u tre ka Butterfly Collection and Accessories.
Waroh da em 14 ngut kiwa da chimbynta wei ya kani ka yakob da pynman ha ka le kylla kitæ ka Medieval Round, ka Christmas Round waka Evening Gown Round deilang waka Question & Answer Round.
Hadien ini waroh, ka jied ya ka Ridamaya Passah kawa na Jowai kam ka The Loft Winter Queen Shillong 2023 , yei naam 1st Runner up da yoh ka Ribha Kharkongor katwa yei naam 2nd Runner Up da yoh ka Sairupa Wahlang.
Da saam leh 6 tylli ki Sub Title neibynta ka Best Medieval Costume, Best Smile, Miss Popular, Miss Photogenic, Best Intelligent IQ wa Miss Catwalk.
Ka Ridamaya Passah kawa man leh kam ka Miss Jowai wa katni, kam kawa jop da yoh ko yaka song poisa kawa Rs. 1,00,000 neitæ ki Gift Hamper wa kiwi de, ka Ribha Kharkongor da yoh ko Rs. 70,000 deilang wa ki Gift Hamper wa kiwi de katwa ka Sairupa Wahlang won da yoh ko Rs. 50,000 deilang wa ki Gift Hamper.
Da pynwyrngia ya kiwa wan paitke da ka Jessie Lyngdoh deilang wa ki lok ko, uwa leh jadu wa pawnaam ka Shillong, u John Lanong wa kiwa chaad ka Bella Dancers.
Neiliang kiwa pynman da pyntip ki wa ya kani ka yakob daw pynman ka man-u-snem hajrong ka phang i chait i khiah.
Discussion about this post