Ka T20 Cricket Tournament 2021 wa pynman daka East Jaintia District Cricket Association (EJDCA) kawa da sdang nadooh ka 27 tarik u bnai wa dep wa wan chimbynta da ki 8 tylli ki liang, ynne ka sngi da poi ko cha ka yakhun Semifinal wa nyngkong hapyrdi ka Sohkymphor pyrchah yaka Tuber Cricket Association kawa pynman ha madan yaleh Cricket wa em ha Mookhep.
Ka Tuber da jop ko ya ka kylla-khlem wei da e laad ko yaka Sohkymphor wow kamai Run chwa. Ka Sohkymphor da booh thong ko 253/4 na ki 20 Over. Ha kani ka sngi da mih leh ka kamai chispah Run kawa nyngkong dooh napoh ka District katæ na u Kishan Lyngdoh uwa kamai 150 Run deiwa haap haka Over wa khaddooh. Da dat u 8 tylli ki 6 Run wa 21 tylli ki 4 Run.
Hawa beh yei thong, ka Tuber da ye ko wow kamai du 134/8 na ki 20 Over.
Kiwa yoh u Wicket yong ka Sohkymphor toh u Kishan Lyngdoh (1), Ribiang Suchiang (1), Ram Chyrmang (2), Babu Singh (2) wa u Ialammiki (1). Kiwa yoh Wicket naka Tuber toh u Dayo Lhuid (1) wa u Denis Lyngdoh (1).
Yei name Man-of-the-Match da yoh da u Kishan Lyngdoh (150 Run wa 1 Wicket).
