Ka Reserve Bank of India, Shillong ynne da pynman ko ya ka District Level Quiz kam chibynta ka All India Quiz hajrong ka Financial Literacy 2023 neibynta ki khynnah kiwa chong Class-VIII hadooh Class-X na East Jaiñtia Hills District. Kani ka Quiz Competition da pynman ha Yutran Inn, Ladthadlaboh, Jowai heiwa kiwa chimbynta man ki 2 ngut na kawi ka skur sorkar ka District.
Kani ka Quiz da pynman wow pynchlur ya ki khynnah heiyatoh wa ka Financial Literacy namo ki kaam poisa poilaiñ heiwa ki phang toh hajrong ka Banking/Financial Sector wa i yoh i laa (Economy) wa kynthup ya ka G-20.
Ha kani ka sngi ka Sutnga Government UP School da jop ko wei da bood sa ka Rymbai Government Secondary School heiwa ar waka Tep Kyndait Government UP School hei wa le.
Ka skur wa jop u chimbynta ko ha ka State Level Quiz wow pynbood won sa ka Zonal Level Quiz wei khaddooh ha ka National Level Quiz ka wow man ka G20 Event. Ki khynnah skur wa kiwa sikai skur na East Jaiñtia Hills District da yaroh ki ya ini i chimkhia ka RBI wow pynman ya kani ka yakob.
