Jop ka Thadlaskein Veteran, United XI Moodymmai waka Kyor Tyrkhang ha ka Senior Football League ka TSA

Ka Senior Football League wa pynman da ka Thadlaskein Sports Association (TSA) da pteiñ biang ya ka ynne da le tylli ki yalehke ha madanbol ka Khliehtyrchi kiwa man leh kam yalehke ka Second Round.

Ha ka yalehke wa nyngkong, ka Thadlaskein Veteran da jop ko yaka Nongkhroh Wah Sohbar da 2-1. Ya ki kool ka Thadlaskein Veteran da thap da u Minot Mukhim haka minit wa 27, u Tuesday Lyngdoh haka minit wa 30 katwa ya ka kool ka Nongkhroh Wah Sohbar da thap da u Sngewbha Warjri haka minit wa 48.

Ha ka yalehke wa ar, ka United XI Moodymmai da jop ko yaka Youngster Ummulong da 3-1 deiwa yachut Tie-Breaker hadien wa kut ka yalehke da 1-1. Ya ka United XI Moodymmai da thap kool da u Macremon Syngkon katwa ya ka Youngster Ummulong da thap da u Sauni Shadap haka minit wa 79.

Related posts

Pdengshakap Football Tournament: Jop ka One Soul Utd Pdengkarong wa ka Rilum Hynniew Trep FC

February 22, 2026

Sdang ka 2nd Maruti Ball Cricket Tournament ka Nongtalang United Welfare Organisation

February 17, 2026

Ha ka yalehke wa le, ka Kyor Tyrkhang da jop ko yaka Maskut da 3-1. Ya ka Kyor Tyrkhang da thap kool da u Deepson Tokbi haka minit wa 35, u Pyllangki Dkhar haka minit wa 37, u C. Hronabei haka minit wa 60 katwa ya ka Maskut da thap da u Plan Nongpluh haka minit wa 33.