Ka Ummulong ynne da jop ko ha ka yakhun yong ka lympung Open to all T20 Cricket Tournament 2022 wa da pynlai daka All Jaiñtia Cricket Association ha Madan Jrisaleiñ, Jowai.
Ka Ummulong da yachem ko waka Umshangiar heipor 1:30 i sngi heiwa ka Ummulong da jop ko da 3 Run.
Ya ka kylla khlem da jop da ka Ummulong wei da jied ko wow Bat nyngkong heiwa da ye ko u kamai 165 Run na ki 20 Over deiwa dooh ko 6 Wicket. U Rejoice Gassah da yoh u 43 Run na ka 31 bol, neiliang ka Umshangiar u Khroo Passah da yoh u 3 Wicket na ki 3 Over.
Hawa kdong won ya ka thong, ka Umshangiar da ye ko u kamai 163 Run naka 17.1 Over deiwa dooh ya waroh ki Wicket, heiwa u Teilang War da ye u tied 37 Run na 20 bol, katwa neiliang ka Ummulong u C. Shylla wa u C. Gassah da yoh ki mar 2 Wicket na ki 4 Over.
Ya i naam Man of the Match da yoh da u Rejoice Gassah yong ka Ummulong.
