Jop ka Uttarakhand ya ka Meghalaya da 8 Wicket ha ka Ranji Trophy

Shillong: Ka Uttarakhand ynne ka sngi da pynrem ko yaka Meghalaya da 8 Wicket ha ka Ranji Trophy wa pynman ha Dehradun.

Ka Uttarakhand da pynkut ko ya i wa Bat ko da 491/4, iwa pyntam da 180 Run ya ka Meghalaya kawa kamai 311 Run ha ka First Innings.

Ka Meghalaya hawa bat ko ha ka Second Innings da dooh smat ko 4 tylli ki Wicket deiwa yoh 25 Run wei da wan u Yogesh Nagar wa u Gurinder Singh kiwa da kamai lang 122 Run ya ka Wicket wa 5 tangwa hadien wa haap u Nagar uwa kamai 57 Run da ieh u ya ka Meghalaya da 147/5.

U Gurinder da haap ka Wicket u da ka Run Out hadien wa kamai u 104 Run wei ym em de kiwa Bat ka Meghalaya kiwa neh slem wei da haap lut ki Wicket ko deiwa yoh 230 Run iwa da booh thong 51 Run ya ka Uttarakhand yow jop ko.

Related posts

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Poi noh ka Baby League ka East Jaiñtia cha wakut

May 10, 2025

U Chengkam Sangma da pynhaap ya uwi u Wicket katwa u Abhay Negi da Run Out ya uwi wei kini man ki ki Wicket wa da hap wei da jop suk ka Uttarakhand.

Kani da man ko ka sien wa nyngkong wa rem ka Meghalaya hadien wa jop ko le sien wei da ya Drawn ko chisien. Ka Meghalaya kattu u yachem ko waka Bihar ha Shillong ka wow sdang nadooh ka 14 tarik uni u bnai.