Jowai: Ha ka kyrdan 3rd Division ka WJDSA wa pynman ynne ka sngi, da pynman ya ka yalehke ha pyrdi ka Wahiajer waka Kyndong Tuber.
Ha kani ka yalehke ka Wahiajer da jop suk ko da 5-0 heiwa ya ki kool da thap u Niki Pakma ha ka minit wa 14 wa 16, wa u Heimonmi uwa thap ha ka minit wa 21, 48 wa 65.
Ha ka kyrdan Super Division won ka 7 Wasa da pynrem ko ya ka Khimusniang da 3-1.
Ka Khimusniang da yoh ko u thap nynkong ha ka minit wa 5 lyngba u Yuletideborn Langbang katwa ka 7 Wasa da su kylliang ko ha ka minit wa 16 da ka kool na u Pynishai Lathong uwa thap biang ha ka minit wa 79 wei da pynbood won sa u Felix Bang ha ka minit wa 85.
Mynstep daw em 3 tylli ki yalehke ka 3rd Division ka wow sdang nadooh 11:30 i step hapyrdi ka NSA SC pyrchah ya ka Mookaswan SC, pynbood won sa ka Raiki FC pyrchah ya ka Khliehmuchut SC heipor chi waje i sngi, heipor 2:30 i sngi won ka Newhill SC u yachem ko waka Samatan SC.
Discussion about this post