Jop ka Wahiajer ha ka 3rd Divsion, ka Dulong ha ka Super Division

Jowai: Ka yaleheke 3^rd Division ka WJDSA ynne ka sngi da pynman hapyrdi ka Wahiajer waka Luti Tuber Ialong heiwa ka Wahiajer da jop suk ko da 5-1.

Ya ki kool ka Wahiajer da thap u Niki Pakma ha ka minit wa 9, u Janerio Phawa ha ka minit wa 14 wa 48 wa u Heimonmi Dkhar ha ka minit wa 52 wa 70. Ya ka kool ka Luti Tuber Ialong da thap da u Phainal Phawa.

Ha ka Super Division won ka Dulong pynrem ko ya ka Nangbah Mulang da 3-2.

Ka Dulong pyn ha ka minit wa nyngkong da yoh ko u thap kool lyngba u Wailad Niangti wei da pynbood u sa ka wi ha ka minit wa 33 wei da kut ka kylla step da 2-0.

Related posts

Hei wa san yoh ka East Jaiñtia, ka West Jaiñtia hei wa phra ha ka State Archery Championship 2026

August 13, 2026

2nd Division EJHDFA: Jop ka Iapmala, ka Tuber Kmaichnong wa ka Moolamanoh

August 13, 2026

Ha ka kylla miet won ka Nangbah Mulang da su ko chi kool lyngba u Firstborn Susngi ha ka minit wa 58 tangwa ka Dulong da pyntam biang ko sa chi kool lyngba u Ilan Chyrmang ha ka minit wa 63. Ha chwa u kut ka yalehke u Firstborn da yoh u thap sa ka wi kool ha ka minit wa 84 ya ka Nangbah wei da kut ka yalehke da 3-2.

Mynstep ha ka 16 tarik ha ka 3^rd Division, ka Evergreen Mukhla SC u yachem ko waka Catholic Y.M. SC heipor 12 waje pyrdi sngi. Ha ka Super Division won ka Ladthadlaboh SC u yachem ko waka Demthring SC heipor 2 waje i sngi.