Ka lympung yalehbol wa tip kam ka 1st 6-A-Side Football Tournament wa pynman da ka Turf Titans kawa da sdang nadooh ka 12 tarik u Naisaphra ha madan Chalton Arena, Moosalyngkat Jowai, dapoi ko noh cha wakut hei miet ka 5 tarik deiwa pynman ya ka yakhun Final hapyrdi ka We United pyrchah ya ka Carpe Diem United.
Ya kani ka Final da wan wow sakhi lang da u MLA ka Jowai, u Wailadmiki Shylla kam u kongsan, u Nomited MDC ka JHADC, u Octomewot Lamin, u District Sports Officer, West Jaiñtia Hills, u K. Passah wa kiwi.
U Wailadmiki Shylla hawa e yei klam yaroh u ya ki bru samen wa da sdang ya kam kani ka jait madan ha Jowai, kawa man ka laad kamai ya ki wei wot u e khih ya kiwi, neibhah hawa pynman ya kawon kawon ka Tournament, kiwa wan yalehke ha kani ka madan hap ki wow su dei dor.
Hawa e nongmuna da kani ka madan, kyntu u ya ki khon khynroo khyllood wow mih ki chakhmat u sdang khih neibhah dang em chiboon ki jait khih wa ye u sdang, heiwa wot neiliang ka sorkar leh ong u da yaleh ko u wanrah ki Scheme wa e yarap waphær waphær yow kyrchaan ya ki khon khynroo khyllood, kamjooh kiwa khih dei yong ki hi.
Hawa kyruiñ cha ka yakhun Final yong kani ka sngi, ka We United da yoh rah ko yei naam jop deiwa pynrem ya ka Carpe Diem United da 3-1.
Najrong i e ya ki muhor saykynmoo cha ki Referee wa embynta u pynlai bait ya kani ka Tournament, da saam leh ya ka song poisa wa Rs. 70,000 cha ka liang jop wa Rs. 30,000 won cha ka liang wa rem.
Discussion about this post