Jop ka Youngster FC Ummulong ha ka Senior Football League ka TSA

Ka Senior Football League wa pynman da ka Thadlaskein Sports Association (TSA) da pteiñ biang ya ka ynne da le tylli ki yalehke ha madanbol ka Khliehtyrchi.

Ha ka yalehke wa nyngkong hapyrdi ka Squareland SC pyrchah yaka Tympang Wahiajer da kut ko da 1-1. Ya ka Squareland da thap kool da u Pyntngen Nongrum haka minit wa 47 katwa yaka Tympang Club Wahiajer da thap da u Pynsuk Shylla haka minit wa 57.

Ka yalehke wa ar leh da kut ko da 1-1 hapyrdi ka 90’s FT waka Nangroi I SC Mynkrem. Ya ka 90’s FT da thap kool da u Teimiki Passah haka minit wa 37 katwa yaka Nangroi I SC Mynkrem da thap da u Phull Langstang haka minit wa 16.

Related posts

Rs. 2,10,000 lak ka song poisa ka 10th Open to all Knock-Out Football Tournament Fixed Prize Money 2026

March 9, 2026

Ym khang de ya kiwa yalehke Cricket ha Meghalaya wow chimbynta ki ha ki yalehke Tennis Ball

March 8, 2026

Ha ka yalehke wa le, ka Youngster FC Ummulong da jop ko ya ka Malngiang Mookyndur da 3-1. Ya ki kool ka Youngster FC Ummulong da thap da u Nehi Shadap haka minit wa 5, u Lamphrang Dkhar haka minit wa 19 wa u Langmi Bamon haka minit wa 33 katwa ya ka kool ka Malngiang Mookyndur da thap da u Nibiang Phawa haka minit wa 21.