Ka Directorate of Forensic Sciences, Meghalaya deiwa ya krehlang waka Kwicksoft da pynman ki yei e sikai namo ka Workshop kawa ar sngi kawa tip kam ka Crime Scene Investigation and Management heiwa da sikai bniah ya ki pulit kiwa man kam ki Investigating Officers (IOs) kiwa wan na waroh ki District ka Meghalaya, deiwa pynyoo ya ki stat takit wa thymme namo ki Modern Day Forensics.
Ha ini da wan wow chimbynta da palat 30 ngut ki Investigation Officer.
Ya kani ka Workshop da pynman leh neidaw wa da wanrah le tylli ki aiñ wa thymme yow takit ya ki kaam pyrchah aiñ wei wow pynsñiawthooh leh yei emkaam i stat ka juk wa katni hawa pynman yei takit.
Neiliang u Director of Forensic Sciences da ban joor u yeiwa emkaam u pynman yei thaw wa jia ki kaam pyrchah aiñ kiwa khooid yow lait u dooh ya ki sabut. Da khana u leh wa yaka kari Mobile Forensic Crime Scene Van kawa dang dep yoh, da pait da ki bru wa da pyndep yei puræ MSc Forensic Science.
Kani ka kari toh kawa em boon ki tiar ki tar yow yarap ya ki pulit wow pynlang pynlum ki ya ki sabut wei daw phah ya kini ki kari cha waroh ki District.
Kam chibynta i e sikai da pyndur leh yeiwa em wa chah tynyap heiwa da pynman yaka yakob Inter-District Crime Scene Investigation Competition heiwa ki pulit ka West Jaiñtia Hills District da jop ki katwa ka CID Unit da yoh wa ar ko.
Discussion about this post