Jop suk ka NPP ya ka Gambegre Constituency deiwa yoh 42% ka Vote

Ka NPP hei sien wa nyngkong da jop ko ya ka Gambegre Constituency ha ka Election chiteiñ samoi kawa da niaw Vote ynne ka sngi heiwa ka kyrtong ka Party, ka Mehtab Chandee Agitok Sangma da yoh ko 42.1% ki Vote kiwa dapoi hadooh 12,678 tylli iwa tam da 4594 Vote ya kawa yoh wa ar.

Neiliang u National President ka NPP uwa man leh kam u Montri Rangbah ka jylla, u Conrad Sangma da ong u wa ini da man ko kamwa da yooluti wei da kmen u wow yoo wa ki paidbah ka Gambegre da e ki ya ka Vote yong ki deiwa pyrkhat yei roi i paar wei ka NPP leh u kreh ko neibynta itæ hi.

U Conrad da ong u leh wa kiwa thap Vote toh kiwa sian wei jied ki yow wanrah yei kylla wei hawa kylli won wa yoh wa ar ka TMC, da ong u wa kawi pa kawi ka Election toh kawa phær wei hap leh u pait ki kamtæ.

Ka Mehtab da ong ko wa da sñiaw nadooh wa lai yalap Election leh wa miat bha i rukom pdiang ki paidbah wei kamtæ da yooluti leh wow yoh yei jop.

Related posts

Chem ya ka ID pulit ka Bangladesh, ka Combat Vest hadien wa chah dung uwi ha Meghalaya  

August 8, 2025

Dei rwai i chaad, i tem i put deilang i chet i baam pynkut ka Govt Girls HSS Jowai ya ka tayaaw lehkmen 

August 8, 2025

Hei wa ar kani ka Election da lai ko cha ka kyrtong ka AITC, ka Sadhiarani M. Sangma (8084 Vote), hei wa le da yoh u kyrtong ka INC, u Jingjang M. Marak (7695 Vote), hei wa soo da yoh u kyrtong ka BJP, u Bernard N Marak (710 Vote), hei wa san da yoh u kyrtong samen, u Jerry A. Sangma (706 Vote) katwa hei wa ynru da yoh u sa uwi u kyrtong samen, u Sengkrabirth M. Marak (147 Vote).

Kiwa thap NOTA da em 95 ngut.