Ha ka Election jied waheh chnong ka Sohmynting wa da pynman haka 30-09-2022, u Bravestar Phawa da chah jied u kam u Waheh Chnong thymme ka chnong Sohmynting.
U Bravestar Phawa da jop u ya ka Election deiwa yoh 908 Vote katwa u Lephing Pyrtuh wa yakhun pyrchah da yoh u 792 Vote.
Da emlang ha kani ka sngi thap Vote ki bor pynlai ka Jaiñtia Hills Autonomous District Council, u Dolloi ka Elaka Amwi deilang wa kiwa yarap yong oo.
Neiliang u Bravestar Phawa da e khublei u ya waroh kiwa chong chnong ka Sohmynting nadooh kiwa kyrchaan wa ki wym em kyrchaan wym hoi u em ki iwon iwon i sñiaw yaphær tangwa u ya krehlang chirup wa oo neibynta i bha i miat ka chnong ka thaw.
