Jop u Dolloi ka Elaka Jowai ya ka Lucky Draw ka Panaliar

Ynne ka sngi, neiliang ka Dorbar Chnong Panaliar da saam ko ya ki Prize ka Lucky Draw kawa dadep pynkhle kam chibynta ka Fete kawa da pynman ha ka 13 wa 14 tarik uni u bnai.

Ya ka yalang saam Prize cha kiwa eh bok eh nasib da pynman ha yungwalieh ka chnong heiwa da yoh yei klam pdiang sñiawbha na u Waheh Chnong ka Panaliar, u Riquoma Rq Laloo uwa da e khublei nyngkong ya u Tre Kirot kamjooh leh ya kiwa embynta lang wow thied ya ki Ticket deilang kiwa da wan embynta ha ka Fete yow man ko kawa jop wa kiwa da ya wan wow saam ya kini ki Prize.

Da e khublei kyrpang u ya kiwa jop wa da man sakhiat ki kitæ kiwa chimbynta wa ka chnong kiwa embhah tam napyrdi ki phaw hajar ngut ki bru wa thied ya ki Ticket Lucky Draw.

Da ong u leh wa ka laad pynmih poisa ya ka chnong toh du na ka Fete donhi katwa kamtæ da a e khublei u ya waroh kitu kiwa chimbynta ha ka Fete wei deiwa wan ki da man ko kawa phooh wa phieñ heiwa da yoh u pyndep ya ki kaam wa dang sahteiñ ka chnong.  

Related posts

Saam ka Kur Soo Kpoh Khadar Wyrnai ya ka song poisa cha kiwa pam Lucky Draw

May 5, 2025

Ka Result Lucky Draw ka Seng Samla Seiñ Raij Satpator

May 1, 2025

Ya ka 1^st Prize kawa Rs. 7 lak da jop da u Pa Dolloi ka Elaka Jowai, u Puramon Kynjing uwa chong wa sah ha Dulong, Jowai, ya ka 2^nd Prize kawa da ka TVS Scooty da yoh da u Saiñ Laloo uwa chong wa sah ha Panaliar, Jowai katwa ya ka 3^rd Prize kawa da ka Yamaha Scooty da yoh da u Ohiwan Lamar uwa chong wa sah ha Chiliangraij, Jowai.

Ya ki Consolation Prize wa em 5 tylli kiwa mar Rs. 10,000 kawi, da yoh da u Rudy Palson Dkhar uwa chong wa sah ha Tpep-Pale, Jowai, ka Iohbor Sumer kawa na Moosalyngkat, Jowai, u Waibhah Najiar uwa na Umchangiar, Jowai wa u Pyrkhat Phawa uwa na Ialong wei dang sah sa kawi ka Consolation Prize ka wym pu em wan kam kawa pam da u Number-15161.