U Kalyan Chaubey ynne da chah jied u kam u President wa thymme ka All India Football Federation (AIFF) deiwa jop ya u Captain warim ka India, u Bhaichung Bhutia uwa da yaleh lang ya kani ka Election.
Bhaichung da yoh u du chi Vote katwa u Kalyan da yoh u 33 Vote.
Da ini i jop, ka AIFF da yoh ko ya u President wa nyngkong uwa jooh man leh kam uwa yalehbol heiwa u Chaubey jooh man u leh kam uwa yang kool ka Mohun Bagan wa East Bengal.
U Chaubey man u leh uwa yahkhmat ka BJP uwa rem ini wa dep ha ka Election MP na Krishnanagar, West Bengal.
Kiwi de kiwa jop toh u N A Harris kam u Vice President deiwa jop ya u Manvendra Singh. U Harris man u leh kam u President ka Karnataka Football Association wa u MLA ka Congress.
U Kipa Ajay uwa na Arunachal Pradesh da jop u ya u Gopalakrishna Kosaraju uwa na Andhra Pradesh yow man kam u Treasurer.
Kiwi ki 14 ngut kiwa man kam ki dkhot ka Executive Committee kiwa da thap pyrtuid yow yaleh Election da jop ki khlem em wa yaleh pyrchah.
