U Khabok Siangshai uwa na ka chnong Moolamanoh, East Jaiñtia Hills uwa da lai chimbynta ha ka yakob GMI Mister India 2024 kawa da pynman nadooh ka 13 tarik wei da pyndep ynnin ka sngi deiwa pynman ya ka Grand Finale ha Pune, Maharashtra, da jop u yei naam Mr. Global International deilang ka Subtitle Mr. Talented.
Da ini i jop da chah jied u wow mihkhmat ya ka ri India ha ka yakob Mr. Global International kawa daw pynman ha u snem 2025 heiwa ya ka ri wow pynman ya kani daw pynbna won hadien.
Deilang wa u Khabok da em leh sa ar ngut kiwa na Meghalaya kiwa da lai wow chimbynta kitæ toh u Bernard Davio Walamiki Pohshna uwa na Shillong wei uni da jop u yei naam I Am Model Search Teen wei daw mihkhmat u ya ka India ha Thailand ha u January 2025.
U Bernard da jop u leh ya ka Subtitle Mr. Teen India wa Mr. Super Model.
Sa uwi uwa jop toh u Aaron Reuben Tariang uwa na Shillong wei uni da jop u yei naam Mr. Global Asian wei daw mihkhmat u ya ka India ha ka yakob Mr. Global Asian kawa daw pynman ha u January 2025 ha Malaysia.
U Aaron da jop u leh ya ka Subtitle Mr. People’s Choice.
Ya kani ka yakob da pynman da ka Global Model India (GMI) wei yei naam wa hakhlieh dooh kani ka yakob toh yow jied ya u Mister India wa jop da u Sundar Alexander uwa na Tamil Nadu.
Waroh kiwa da chimbynta da em ki 29 ngut kiwa da wan na kylleiñ ka ri wei kiwa da chimbynta ha jar jiar ki kyrdan wa da chah jied ki.
Ya kini kiwa na Meghalaya da yahkhmat da u Ralph Lyngdoh Mawphlang uwa man kam u North East Talent Director ka GMI uwa da pyntip leh wa kini kiwa lai chimbynta da pynlut hi ki da ki hi ya waroh nadooh ka bai lai bai wan.
Discussion about this post