Kam chibynta wow lehkmen ya ka National Unity Day, ka yung krehkaam ka District Sports Officer, East Jaiñtia Hills District deiwa ya krehlang wa ki bor District, ynne da pynman ki ya ka yaphet Open Marathon neibynta kiwa chong chnong ka East Jaintia Hills deiwa sdang yei phet na yung krehkaam warim u Deputy Commissioner deiwa lai cha Rymbai PHC neitæ da uiñ biang cha thaw sdang.
Ya kani ka Open Marathon da wan wow kaweh lama da u Coming One Joy Tlang deiwa emlang ka District Sports Officer, ka Stephanie M Rapsang wa kiwi de ki heh sorkar.
Kani ka yaphet toh kawa jrong 8.5 Km wei da wan wow chimbynta da 105 ngut kiwa chong chnong ka District chynrang wa kynthai.
Ha ki chynrang da jop da u Knerlang Phawa, hei wa ar da yoh u Bismo Sumer katwa hei wa le da yoh u Rishanmehi Ryngkhlem. Ha ki kynthai won da jop ka Rosy Sana, hei wa ar da yoh ka Wasaki Phawa katwa hei wa le da yoh ka Phyrnai Kyndait.
Kiwa yoh nyngkong da yoh ki Rs. 5000, kiwa wan hei wa ar da yoh ki Rs. 3000 katwa kiwa yoh wa le da yoh ki Rs. 2000.
Discussion about this post