Jop u Sajay Laloo ya ka mukotduma pyrchah ya ka hukum ka Meghalaya High Court

Jowai : Ka yung bichaar wa ha khlieh dooh ka ri ka Supreme Court ynne da chong bichaar khadooh ko hei yatoh wa ka mukotduma pyrchah ya ka hukum u Chief Justice warim ka Meghalaya High Court u Uma Nath Singh.

Ha ka chong bichaar wa em u Chief Justice ka ri chirup wa u Justice D.Y. Chandrachud wa u Justice Sanjay Kishan Kaul da rai khaddooh ki wow pynrem ya ka hukum wa pynmih u Uma Nath Singh.

U Uma Nath Singh da pymih u ya ka hukum wa ong wa waroh ki Chief Justice warim kam ka Meghalaya High Court u man ki kam ki State Guest heiwa u yoh ki ya ka Z-Security wei wow pynbiang ka sorkar jylla ya ki ya i thaw sah wa ka yada (Security) ha iwon iwon i thaw wa em yung ka sorkar jylla wa ha kiwi ki bynta ka ri.

Ha kani ka mukotduma da mih leh boon ki phang wa kylli chaphang ki kaamram yong ki Judge wa su chong ngiah ki wei iwa pynkup bor ya ki hapoh ka kyndon 226 ka riti synchaar ka ri (Constitution).

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Yeini u Uma Nath da pynksan u pynda oo ya oo hi wa kam ki Judge warim em hok wow yoh ki katkam wa da pynmih hukum u.

Ya ini ka Supreme Court da rai ko wow pyndam ya kani ka hukum u Uma Nath.

Ya kani ka mukotduma da e da u Sajay Laloo kam wow yada ya i lut san ka sorkar jylla.

Kam wow pyntip wa ka Supreme Court da bichaar ko leh sa ya kawi ka mukotduma heiwa da pynmih hukum ki Judge ka Rajasthan High Court wow lait ki u chah sylli ha ki Airport yeiwa ka Supreme Court da ong ko wa ki Judge da yooluti wa ki toh u lai luti ki katkam wa kdaw da ka aiñ wei ymtoh u chim kabu ki ya ka aiñ.

Wow pyn yaphær yeiwa ong ka aiñ wei yei wym ong ka aiñ daw chong pyrkhat biang yei burom ki yung bichaar ha waroh ka ri.

Also Read: E mukotduma u bru samen, heithaw ki bor ka sorkar