Khlaad u wi hei ya tyrrah kari ha Jowai

Jowai: Ha i step ynne ka 14 tarik heipor 1 waje da em i tyrrah kari ha pyrdi ka Maruti 800 wa ka Maruti Alto 800 heiwa da dooh ya iwi i mynsien.

Ka Maruti 800 kawa em ya u number ML-04B-4389 kawa man leh ka kari kamai toh kawa wan na Dawki kawa mut u lai cha Pamanik wei da em 7 ngut ki bru ha poh 3 ngut ha khmat wa 4 ngut hadien.

Katkam wa pyntip ki pulit da ong wa manda poi ha khmat ka laad wa lai cha Lumpariat da wan kawi ka Maruti Alto 800 wa em ya u number ML-04C-3913 kawa wan pyrchah kawa lai neiliang wa bakla (wrong side) wei da ya tyrrah kini ki kari mar khmat wei da sied ka Maruti 800 cha jrong ka luti lai kjat.

Waroh wa em hapoh ka Maruti 800 da mynso joor ki kamjooh uwa yah ya ka Alto wa em samen hapoh kari.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da kit ya waroh cha Jowai Civil Hospital, Ialong heiwa uwa chong ha ka Maruti 800 wa chong ha pyrdi ha khmat uwa tip kam u Early Langstang da khlaad u manda poi ha hospital.

Uwa yah ka Alto da tip pyrtuid kam u Meialamki Shylla katwa ya uwa yah ya ka Maruti 800 da tip kam u Klostar Talang.

Ki Pulit da kem ki leh ya u Meialmki Shylla uwa bakla ha ini i jia.