Jubab ka JSU ya ka Khimusniang deiwa ong wym ye u khang yei kaam wa bha ka seiñ

Ka JSU da pyntip ko wa hadien wa da ood kiwa lai wa wan wa da joor ware wa sih u sarok Oorkhla uwa lai cha ka Water Treatment Plant ka chnat PHE, wei heiyatoh wa uni u sarok neiliang ka seiñ da lai booh ko dei thoh cha PHE lyngba ka JSU Jowai Circle deiwa yachem kyrpang ko leh wa Montri ka chnat wei da e leh da ka dorkhat yow dawa pynchna noh ya uni u sarok. Wei neiliang yong u Montri, u Marcuise N Marak da kular u ya ka seiñ wa daw pynkreh ya uni u sarok wa dang haap hapoh ka chnong Khimusniang.

Kamtæ ka seiñ da ong ko wa neibynta ka Ri-loom Jaiñtia waroh kawi, ka em hok ko wow dawa ya kiwon kiwon ki kaam wow yoh myntoi kiwa chong chnong.

Wei deiwa burom ya ka Dorbar Chnong Khimusniang da pynche wei pyntip ko leh cha ki chnong kiwa haap hapoh Ri-loom Jaiñtia waroh wa kam ka seiñ ye ko u kreh wei wow pait ya ki kaam ha iwon iwon i bynta neibynta i bha yong ka Ri Jaiñtia wei ym em wa ye u khang ya ka seiñ u kreh yei bha i miat, wot da ka sorkar leh ym ye ko u khang neibynta ki kaam wa bha wa leh ka seiñ.

Heijooh i por ka JSU sñiawphylla ko hadooh kattæ kattæ hawa leh ko yei kaam wa bha ymtoh wa lai paan kreh lai paan khih ko, neibhah kam ka seiñ kyntu donhi ko ya ka sorkar yow chna pynbha ya utai u surok neibynta i myntoi tangwa da em kiwa sñiawsih.

Related posts

Khyrngiat u DC yei em 560 tylli ki kreh wa lait ha West Jaiñtia Hills District: HITO Jowai Circle

May 28, 2025

Pynhaap ka DMO ya ki chong Pnar chapoh ka West Karbi Anglong, lai paan pynche ka PSM

May 28, 2025

Ka seiñ da pynkut ko deiwa ong wym hoi u pynman kaam Politics ya utai u sarok.

Puræ leh: Pyrchah ka Khimusniang yei wan ki seiñ khlem da pyntip yow tuklar ya ki kaam ka chnong