Ka Hynñiewtrep Border Dispute Redressal Forum (HBDRF) lyngba u Chairman yong ka, u Chandame Sungoh da ong u wa ka 13 tarik u April toh ka sngi wa sñiawsih ya ki Pnar kiwa chong wa sah ha Raij Nangtung kawa tip katni kam ka Block-II wa ka Elaka Labang Nangphyllut kawa tip katni kam ka Block-I.
Ka Forum da pynsñiaw ko ha kani ka sngi ha u snem 1951, ka sorkar Assam da pynkhlaad yabor ko ya ka Raij Nangtung wa ya ka Elaka Labang Nangphyllut na ka Ri Jaiñtia kawa jooh em ha ka Jowai Civil Sub-Division deiwa pynyabi yabor ka cha ka United Cachar Mikir Hills kawa tip katni kam ka Karbi Anglong Autonomous Council deiwa pynbna ka sorkar Assam lyngba ka Notification No. TAD/R/31/50/149 heipor wa chna ya ki District Council wei yeini da leh khlem da tip næ mynjur ki Pnar wa em ha kani ka thaaiñ kiwa man kam ki tre chnong tre thaw.
Kamtæ ka Forum ryngkat ki paaid wa chong chnong yong kani ka thaaiñ da kheiñ ki ya kani ka sngi kam ka sngi kawa sñiawsih wei da pyrchah joor yeini i leh embor yong ka sorkar Assam kawa da yooh beiñ yei longbru manbru yong ki wei dang pteiñ i dawa wow wanrah biang næ pynyabi biang ya kani ka thaw ka ri ki pa tymmen yong ki cha Meghalaya.
Da yooluti ki leh wa i thmu yong ka sorkar Meghalaya wa Assam wow pynbait ya u pood u ang wa daw yoh noh yei hok yow uiñ biang chapoh ka Ri Khasi Jaiñtia kamwa jooh man nadooh warim.
Discussion about this post