Jowai : Ka janmiet yong ka 4 tarik uni u bnai ye ko u man kawi na ki janmiet kawa wow pynwyrngia ya ki paidbah ka chnong Jowai ha kiwa boon rukom. Kam wow pynkynmoo heini, kani ka janmiet daw pynman ya ka Winter Queen næ ka yakop miat kynthai kawa da pynlai da ka M2W Socio Cultural and Entertainment Society.
Hadien wa ka Society da pynbna ko wa ka Grace Maureen daw wan rwai ko ha Jowai ha kani ka janmiet da pyntip leh wa daw em leh chiboon kiwow pynwyrngia ya ki paidbah kam na ka dhab rwai rap/hiphop MKIMS na sor Shillong wa ka dhab Black Hype Rhymes kiwa kynthup ya u Cold Face wa u Arenel na chnong Jowai.
Ka Black Hype Rhymes toh ka wa da seiñ nadooh u snem 2011 wei da jooh lai rwai ki ha kiwa boon ki prokram kam ha Polo Towers, ha District Library Auditorium Jowai, wa kiwi kiwi ki. Da sdang u tipmit ya ki ha u snem 2013 hadied wa da chah jied u Arenel kam u nongrwai ya ka Storm Records kawa man leh kam kawi na ki company wa chna yei sur rap/hiphop.
Katwa ka M.K.I.M.S toh ka dhab rwai rap/hiphop wa da sdang ha u snem 2013 da u Matthew wa tip leh kam u Nasty Rhymes, u Andy wa da tip leh kam u Yung East wa u Sammy. Wei da sdang ki u rwai nyngkong ha ki college week, ka ki yalang khian wa boon jait. Ha uni u bnai wa dep da li rwai ki ha ka DJ Music festival wa pynamn ha Pala Resort ha Kutmadan. I thmu yong kani ka dhab toh yow pynchlur ya ki khynnah khynroo yow man ki kiwa chlur ha iwon iwon iwa thmu ki hei rta ki.
Ye phi u ap ya ki sur u Arenel wa u Cold Face heini heini
Discussion about this post