Jowai: Ka Meghalaya State Government Employees Federation (MSGEF) Sports Committee, Jaiñtia Hills Unit-Jowai daw pynman ko ya ka 7th U Kiang Nangbah Inter Office Badminton & Carom Board Tournament nei bynta ki wa krehkaam sorkar hapoh ka Ri-Loom Jaiñtia ka wow sdang nadooh ka 4 tarik hadooh ka 7 tarik Naichiphaw, 2016.
Ha katai ka yakop yaleh Badminton daw pynman ha ka kyrdan Men single, Men Doubles, Mix Doubles, Women Single wa Women Double, katwa ha ka yakop ya pdiah Carom Board u pynman du ya ki chynrang donhi ha ka kyrdan Men Single wa Men Doubles.
Hei yatoh wa ini ka MSGEF Jaiñtia Hills Unit-Jowai da khut ko ya kiwa kreh ha waroh ki tnat krehkaam sorkar, wa kynthup ya ki Bank, ki Co-operative wa kiwi de kiwa em hapoh ka Ri-Loom Jaiñtia yow ya wan chim bynta ki ha kani ka Inter Office Tournament.
Ya ka tarik wa khaddooh wow pynpoi ya ki pyrtuid kiwa kwah u chimbynta toh ha ka 29.9.2016.
Ya ka yutip wa bniah ye ki u yachem wa u Indoor Secretary ka MSGEF, Jaiñtia Unit u ma T. Laloo namo deiwa phone ha u number 9863077627.
Discussion about this post