Ka 8 wa 9 tarik ka Fete ka Marian Hill HS School, Jowai

Jowai: Ka Marian Hill Social Works, Jowai da pyntip ki wa kam chibynta wow kyntu kynrong ya ka yarong poisa ka skur, daw pynman ya ka Fete yong ka skur Marian Hill Higher Secondary School, Jowai kamwa jooh leh man u snem.

Ha uni snem daw pynman ya ka Fete ha ka 8 wa 9 tarik u bnai Khonchonglad (November) ha madan yong kani hi ka skur.

Ha ka 8 tarik daw em ar tylli ki dhab tem kiwa kynthup ya u DJ 4^th Base katwa daw tem chwa won da ka Nexus Band na Jowai.

Ha ka 9 tarik nawon daw pynwyrngia ya ki paidbah da u Siddhant Sharma uwa jop yong ka Stage Season 3, wei daw em leh ki ar tylli ki dhab ki wow tem chwa kiwa kynthup ya ka The Band Classic Kid Sid wa ka Recalling Band.

Ya ka sound waka light u leh da u V. Shangpliang.

Ha kani ka sngi khaddooh daw em ka Bumper Housie kawa T. 55,555.

Daw em leh ka khle nasib namo ka Lucky Draw heiwa ki Prize man ki kamni hawah:

1^st Prize: Celerio

2^nd Prize: Redigo

3^rd Prize: 3 Consolation Cash Prizes, 50,000 each.

Chooh chooh ha kani ka Fete daw em chiboon ki lehke pynwyrngia kam ki Lucky Dip, wa kiwi kiwi wei daw em leh kiwa dai baam.

Kamtæ neiliang kiwa pyllai da kyrpaad ki ya ki paidbah wow yawan cha kani ka Fete kam chibynta wow yarap ya kani ka skur.