Shillong: U Chief Executive Member ka Khasi Hills Autonomous District Council, u Hispreaching Son Shylla da ong u wa i pyrchah ya ka chongkha khleh toh nadooh u snem 1978 wei hadien da wiar i, wei ini yoo lakam wa da chah pynrem tangwa da wan biang i kmen hadien wa wanrah ya kani ka Bill hanlada em ki kattu katni kiwa pyrchah ya ka.
Da ong u wa u baar jylla ymye u wow yakhun election MLA wei manda yoh khon na ka kynthai Khasi u pynyakhun Election.
U Shylla da ong u wa ya ka Khasi Hills Autonomous District (Khasi Social Custom of Lineage) (Second amendment) Bill, 2018 wa da wanrah da ka KHADC, da yoh yei mynjur na waroh ki MDC heiwa da kyntait u leh wa ya i mynjur da yoh hadien wa da leh jhan yeini.
“Ka Land Transfer Act pai ko, ka Benami Act, ka Income Tax leh pai ki, tangwa kani ka aiñ daw tymmoh ko ya iwa pai waroh,” da ong u CEM.
Hawa kynthah chooh chooh ya ki dhab wa pyrchah wow pynman aiñ ya kani ka Bill, u Shylla da ong u wa em kiwa da yut wa u kurim wot hadien wa da khang na yung na sem wei da leh ki yeini dei bor samen yong ki hi wot hadooh u pood wow pyntkut ki yei mynsien, wei da kylli u, “Neiyi i daw wa ym man wow wanrah i da ka aiñ yong i?”
“Wow pakhot moo, wow pynman bandh, wow kieñ suloi ymhoi, lada chna aiñ leh ymhoi, iyi won iwa hoi?,” da kylli biang u CEM.
Chooh chooh u CEM da ong u wa kiwa pyrchah toh du chi hali ar hali kiwa da sñiaw stat, kiwa sñiaw International pyn yaki hi.
“Boon kiwa yoh kurim Dkhar kiwa pdiang ya kani ka Bill, tangwa du kattu katni ngut kiwa pyrchah neibhah wa ki sñiaw International ki,” da ong u Shylla.
Ha iwi won i liang, u CEM da pynsñiaw u yei mynsien sñiawngooh ya ki paidbah wa ki dhab waphær waphær kiwa da e i kyrchaan ya ka Khasi Hills Autonomous District (Khasi Social Custom of Lineage) (Second amendment) Bill, 2018.
Discussion about this post