Ka sorkar Mizoram da pyntip paidbah ko wa kiwon kiwon ki bru kiwa da em pyrtuid (Register) ha ka Mizoram State Health Care Scheme (MSHCS) kiwa chah sumaar neibynta u COVID-19 ha ki thaw wa da tipmit da ka sorkar nadooh ki Hospital, Dedicated Covid Health Centre (DCHC), Covid Care Centre (CCC) wa Community Covid Care Centre (CCCC) ye ki wow yoh myntoi na kani ka Scheme.
Kini ki myntoi kynthup ki nadooh ka bai dawai wa ka bai baam heipor wa chah sumaar ki ha kini ki Hospital wa Care Center.
Neiliang u montri rangbah ka jylla, u Zoramthanga da ong uwa ka sorkar jylla Mizoram da yaleh ko wow yarap ya ki paidbah katwa ye kam ha ini i por.
Katkam wa man katni hapoh ka jylla Mizoram, kiwa dang chah ktah (Active Case) ha u COVID-19 da em ki 2431 ngut.
