Ka Bangladesh em ko ar tylli ki rdang syiar ha khap ka India: Himanta

U Chief Minister ka Assam, u Himanta Biswa Sarma ynnin da ong u wa kiwa jooh myllien wow pyntieñ ya ka India wa em ko uwi u rdang syiar namo ‘Chicken Neck Corridor’, toh u tip bha ki yeiwa sakhiat wa ka Bangladesh leh em ko ar tylli kam kitæ ki rdang syiar kiwa rap synjor bha bar yong ka India.

U rdang syiar ka India uwa tip leh kam ka Siliguri Corridor, toh i thaw wa kamai 22 Km-35 Km wa pynyabi ya ka Northeast wa ka India uwa ka Bangladesh da sdang ko wow pyntieñ wa ye u pynthut ya ka Northeast waroh kawi lada em iwa jia.

U Himanta da ong u wa ka Bangladesh leh em ko ar tylli ki rdang syiar heiwa ya nyngkong toh i thaw wa kmai 80 Km ha North Bangladesh Corridor na Dakhin Dinajpur cha South West Garo Hills wei lada jia iwon iwon daw ye u pynjngai wei chah kset chah khang ka Rangpur Division na waroh kawi ka ri Bangladesh.

Uwa ar won toh i thaw wa kmai 28 km wa tip kam ka Chittagong Corridor, na South Tripura cha duriaw Bay of Bengal weiwa ini i thaw khian i bar ya u rdang syiar ka India. Wei lada jia iyi iyi heini daw thut i lai na ka nongbah ka khayi pateiñ ka Bangladesh cha ka nongbah synchaar paidbah ko.

Related posts

Hap chong Helicopter u Lat ka Manipur 6 Km hadien wa dawa paan maap ki paidbah

May 27, 2025

Paan yarap u CM ka MP na u Conrad wow yarap thooh ya ki chi jur wa dang dep bia kiwa wiar ha thaaiñ Sohra

May 27, 2025

Chooh chooh da ong u wa lada pynkhih kajiak ya kini ki rdang syiar daw thut lut i khayi pateiñ, i yabi wa ka nongbah ka Bangladesh wa kiwi de ki thaw ko. 

Ini i klam u Himanta wan i heipor wa joor i kynaad hapyrdi ki ar ri khamtam hadien wa klam uwa e buit ka sorkar Bangladesh, u Muhammad Yunus uwa ong wa ye u ksoh ha iwon iwon i por ya ka India na u rdang syiar ka Siliguri Corridor.