Ka Ephatha Society kawi na ki seiñ kreh monsñiawbha na East Jaiñtia Hills kawa kreh kyrpang neibynta ki bru kiwa em i duna ha i doh i pran, ynne ka sngi da lehwarom ko ya ka World Environment Day 2024 deiwa thung ki hadooh 50 tylli ki tre dieñ ha i thaw yong ka Ephatha Society iwa em ha Moowakhu Dkhiah.
Ha ini i thung dieñ da emlang ki dkhot ka Ephatha Society, ka District Social Welfare Officer (DSWO), Khliehriat, ki khynnah wa chah hikai ha ka Ephatha Inclusive Training Centre wa kiwa em i duna ha i doh i pran.
Hawa kylli ya uwi na kiwa duna ha i doh i pran, u Chesbha Dkhar na ka chnong Jalyiah, neiyi i daw wan thung phi ya kini ki dieñ? Da ong u hawa pait O ya ka Bei Ramaw yoo O kamwa ka Bei leh da em ko ha i duna i chitom kam i kiwa duna wa chitom ha i doh i pran katwa kamtæ da yakut i ynne ka sngi u lai yarap i ya ka Bei Ramaw kawa da e mynsien ya i man-ka-sngi kamwa ka Ephatha Society da yarap ko ya i hawa yoo ko wa em i ha i duna i chitom i saja.
Da e khublei u leh ya ka Ephatha Society lyngba u President uwa man leh u Director ka Ephatha Inclusive Training Centre wa da pynyoo u ya ki kani ka luti kawa bha kamjooh ya ka Society wa da yarap da kyrchaan ko ya ki man-ki-por hawa em ki ha i kut laad.
Discussion about this post