Shillong: Hawa klam wa ki laad pathai khubor, u General Secretary ka NEFIP uwa man leh u Chairman ka CoMSO, u Robertjune Kharjahrin da ong u wa i pyrchah yong ka NEFIP toh hadien wa u President ka BJP uwa man leh u Home Minister, u Amit Shah wa kiwi kiwa yahkhmat ka BJP da klam ki hakhmat ki laad pathai khubor wa kani ka sorkar NDA daw wanrah biang ko ya ka CAB, wei ya ini i thmu daw rah leh ha ka dorbar tlang yong ka Parliament.
Da ong u leh wa i thmu yong ka BJP wow wanrah ya ka CAB toh niedaw wa ka BJP kwah ko wow pynkylla Hindu yabor ya waroh ki nong India, neibhah lada ka sorkar ka sñiaw ko wa kitu ki khian paaid ki chah ban beiñ ki ha kiwi ki ri næ ha Bangladesh, toh u ujor ko cha ka United Nation, næ ye ko leh kam ka European Union ya ka Pakistan wow pyndooh lut ya ki yarap cha katai ka ri.
Uwa yahkhmat ka NEFIP da ong u wa i daw yong i wym nood yong ka sorkar India wow ujor cha United Nation, boi ha India em i lehbeiñ na ka RSS da i thmu wow pynkylla Hindutva ya ka ri India.
Hawa pynsñiaw yei klam u Amit Shah wa ka CAB ym ktah ko ya ka Article 271 ter ter wa ya ka Sixth Schedule wow pyndooh ya i man kyrpang ki jiatbru ri-loom ka thaaiñ mihsngi, u Robert da ong u wa ini man ko du wow pynbiej donhi neibhah ki kylla wa boon paaid ki yoh ki wow ksoh syndon ya oo naka kaam synchaar wei ym em eh ya ki wow pynkylla syndon ya ka riti synchar yong ka ri.
Ha kane ka sngi neiliang ka NEFIP da phah ko leh yaka dorkhat cha u montri rangbah ka Meghalaya, u Conrad K Sangma wa cha kiwi ki montri rangbah yong ka thaain mihsngi wow kyntu yow yieñ pyrchah ya ka CAB.
Discussion about this post