Ka BJP ym ye ko wow kam wa du ka wa ye u chna sorkar: Dr. Mukul

Uwa yahkhmat ka Trinamool Congress (TMC), u Dr. Mukul Sangma da beiñ u ya ka Bharatiya Janata Party (BJP) kawa da kam wa ym em wa ye u chna sorkar hadien ka Election MLA klem da emlang ka BJP.

Hawa yaklam wa kiwa thoh khubor ynnin ka sngi, da ong u wa ini toh i yoo beiñ ya kiwa thap Vote.

“Nga beiñ O yeini, ileh iyi mut ki wa da pyrchang ki wow thied MLA,” da ong u Dr. Mukul.

Da pynbaad u wa ka BJP da kwah ko wow leh ya ki kaam wym man wei ini pynyoo ko yei rukom pyrkhat ki.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh da ong u wa ka BJP toh kawa kwah u chim rai neibynta ki paidbah chwa ka Election, iwa man i hok ki paidbah, kamtæ da ong u wa ki paidbah ka jylla toh u e ki dei jubab wa biang ya kani ka Party.

Hawa pynkynmoo ya oo wa ha u BJP ha u 2018 da embynta ko hei chna sorkar hanla ka Congress toh kawa jop boon dooh ki MLA, da jubab u wa yeini da chynna hadooh katni da ki bru ka jylla wa kiyi wa pynlai sakhiat ya ka sorkar.

Heiyatoh wa i kam ka BJP wa ka Party toh kawa daw pynkhyrngiat ya kiwa boon ha kani ka Election, u Dr. Mukul ong u wa waroh ki Party em ki yei angnood wei ini ym toh iwa sih.