Ka East Jaiñtia National Council (EJNC) da beiñ joor ko ya u Amitesh Chakraborty, President BJYM Cachar District, hajrong i ujor yong oo pyrchah ya u President yong ka KSU- CEC, ha Silchar Sadar Police Station.
Ka seiñ da ong ko wa ka BJYM Cachar District ym em hok ko wow tuklar yaki kaam pohyung yong ka jylla du neidaw wa wah ka KSU ya i thoh chaphang ki Bengali kiwa em hapoh Meghalya khamtam ya kitu kiwa emkti wow hiar thma yaki paradoh parasnam yong i ha Ichamati wei ym em klam ya ki Bengali kiwa em ha Cachar District kamtæ i ujor yong ka BJYM Cachar District ym em yurim ko neidaw wa ka Shillong ym em hap ko hapoh i pait ka Silchar Sadar Police Station.
Kamtæ ka seiñ da ong ko wa i leh yong ka BJYM Cachar District da pynsier mynsien ko ya kitu ki Bengali kiwa na Assam ki wakreh hapoh ka jylla yong i neibhah wa ini i leh yong ka BJYM Cachar District wa yong ki bru kiwa na baar jylla kum u Vicky Dey, u Lat warim ka jylla da ktah ko ya i chongsuk chongsaiñ hapoh jylla.
Hajrong ini, ka EJNC da kyntu ko yaka sorkar MDA wow leh iyi iyi hajrong ini i pyrchang yong ki bru kiwa na baar wow wanrah yei kulmar hapoh jylla, wei ka sorkar ym toh u pynbor ko yaki paidbah ka Bri u Ynñiawtrep wow chim da ki hi wow yada ya i hok mantre ha ka yong i hi ka ri, wei i jemnood yong ka sorkar jylla da pynchlur ko yaki bru kiwa na baar wow pynkulmar hapoh jylla yong i.
