U Montri wa pait ya i puræ puthi, u Lahkmen Rymbui da kyntait u ya ka bui (Report) kawa pynyoo wa ka jylla Meghalaya da hiar ko ha i puræ puthi. Da ong u wa ya kani ka bui da pynkhreh da ki seiñ ki bru samen (Private Agency) ym da ka Ministry of Education kawa jooh e ya ka Performance Grading Index (PGI).
Da ong u wa iwa da pynmih ha kani ka bui yong ka Observer Research Foundation ymtoh iwa tne, neibhah kani ka sorkar nadooh wa sdang ko u synchaar da booh ko hakhmat 3 tylli ki kaam wow kyntu ya i puræ puthi, itæ wow yoh ya kiwa sikai kiwa chkæh (Quality Teachers), kiwa sikai kiwa dep chah hikai ha kiwa boon ki liang (Trained Teachers) wa i tei (Infrastructure) kiwa bha.
Da ong u wa ka sorkar Meghalaya ha kini ki 4 snem tam da mang poisa ko chiboon neibynta wow chna ya ki skur, neibhah khlem ki yung skur kiwa miat kammon u pynbha ya i esikai.
