Ka CM IMPACT Guidebook toh wow yahluti donhi yow lait ki khynnah wa tlot u dooh mynsien: Conrad  

U Montri Rangbah ka jylla, u Conrad K Sangma da pynksan wei da yada u ya ka CM IMPACT Guidebook wa da wanrah da ka sorkar hadien wa em boon kiwa beiñ yeini wa da leh ka sorkar hadien wa mih ka SSLC Result ha uni u snem deiwa ong u wa i bha ka Result toh kawa pynhun bha ya oo.

Da ong u wa kini ki Guidebook toh wow yarap ya kitu kiwa dooh wa duk wa em cha palatsor kiwa chem chitom wow pynkhreh ya ka Exam neibhah kamwa da yoo nadooh nachwa ini da jia ma jia i wei da emkaam wow pynkylla deiwa yarap ya kitu ki District kiwa tlot.

Da ong u leh wa i pynkylla da emkaam wow leh nadooh ki kyrdan Lower Primary wei da yarap leh nadooh kiwa sikai skur ha ki District kiwa tlot.

Da pynche u leh wa kini ki Guidebook toh kiwa da wanrah deiwa thooh bniah kammon da leh ha ki Competitive Exam kam ki Civil Service, IIT, IIM, NEET wa GMAT heiwa kiwa yaleh Exam da pynkhreh ki deiwa puræ chwa ya ki Question Paper yong ki snem wa da lai, kamtæ kini ki Guidebook leh da pynkhreh ha itæ i rukom yow sñiawthooh ki khynnah kammon wow jubab.

Related posts

Pynsangeh chwa ka sorkar yei leh Admission yow pyntikna waroh kiwa pyndep SSLC yoh thaw puræ ki

April 10, 2025

Ki wym kwah ya ka CM Guidebook ye ki wow thang wow noh ka cha Umiam: Rakkam

April 10, 2025

Da ong u leh wa ini i miat ka Result toh iwa da pynhun dooh ya oo hawa man u kam u Montri Rangbah. “Mutdur hi-eh lada ki khynnah Fail ki pyn na Class-X iwa mut da kut i angnood ki pyn ha ini i por wei ini da pynkhuslai bha ko ya nga.”

“Ym yoh O u ong iyi iyi leh ya kitu kiwa beiñ, nga pait donhi O neiliang ki khynnah wei kmen O wow yoo wa da ye u wanrah yeiwa bha neibynta yong ki,” da ong u Conrad.

Da pynche chooh chooh u deiwa ong wa kini ki Guideline ym ye ki wow pynman IAS ya ki khynnah neibhah hap hi ki wow kreh chitom wei man ki du kam wow pynyoo luti donhi yow pynchlur ya ki khynnah.

Heiyatoh won wa i duna ki skur Higher Secondary, da ong u wa ka sorkar da yaklam ko wa ki skur ki bru samen kamjooh ki yong sorkar wow chim rap boon ki khynnah wei wow pynboon leh ki Course ki.

Da sneiñ u leh ya ki khynnah wym toh u dooh mynsien ki lada ym yoh ki wow puræ ha ki skur wa bna naam wei ym toh wow sangeh yei lai puræ.

Puræ leh: Neidaw wa duna kiwa Pass ya ka SSLC, sdang u Conrad da ka CM IMPACT