Ka Congress u yoh ko 38 ngut ki MLA ha u 2018 : Dr. Mukul

Shillong: U Montri Rangbah ka jylla u Dr. Mukul Sangma ynne ka sngi da kam u wa ka sorkar Congress wa synchaar hapoh ka jylla u jop ko ha ki 38 tylli ki Constituency ha kani ka Election MLA wow wan.

“Kam wa man kattæ ka Congress u yoh ko 38 ngut ki MLA. Ye phi u ong wa u Montri Rangbah da kop palat u tangwa iwa ong toh iwa sakhiat wei i dang tam hi i ya waroh,” da ong u ya ini heiwa pdiang ya u heh thymme ka MPCC u Celestine Lyngdoh.

Da ong u leh wa ka party i rukom bichaar yong ka ymtoh i yimphoo wei da pyrkhat katkam wa man katni wei ym jooh em bakla ko nadooh u snem 2013.

Ka Congress da dep jop ko ha ki 30 tylli ki Constituency ha ka Election MLA wa dadep wa kynthup ya ka Election chiteiñ samoi na ka Chokpot Constituency.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ban joor wa i por toh katni hi wot wow pynkhreh ya ka thma yow pyntikna wa ka Party u jop ko. “Emkaam u jop i neibhah i maya i ya ki paidbah ka jylla neibhah kiwi ki Party ym ye ki u leh kamwa leh ki yei angnood ki paidbah.”

Da ong u leh wa ka Party daw chem ko ya ki moochynthut ha ki Constituency wa boon ki kyrtong kiwa yaknieh Ticket naka Party.

“I emkaam u man i kiwa da pynkhreh deiwa pyrkhat katkam wa man ki kaam chwa wow e Ticket wei da tip i kammon ka la-ær man ko ha kawi pa kawi ka Constituency,” da ong u Mukul. Da kyntu u leh ya kiwa ym yoh Ticket leh wow krehlang ki wa ka Party yow poi cha ka thong.