Kiwa tem wa put ka tamasa wa tip kam ka Thadlaskein Festival 2024 kawa ar sngi kawa daw sdang myntu ka 5 tarik wei daw pynkut mynstep ka 6 tarik da sdang poi ki kiwa da wan na bar jylla kiwa daw tem myntu ka sngi nyngkong kawa daw pynman ha Wahsang, Ladmukhla kawa em hajan ka nan Thadlaskein.
Kini kynthup ki ya ki High Volt kiwa na Manipur kiwa man kam kiwa tem wa pynbood yei rukom leh, rukom tem wei rukom rwai kiwa tem wa pawnaam ka pyrthai, kitæ ki AC/DC.
Myntu hi daw em leh ka DJ Spacechick Eva kawa na Czech Republic kawa daw pynwyrngia ya phi ki paidbah najrong kiwi de kiwa rwai pawnaam hapoh ka jylla.
Kiwi de wow tem ha kani ka sngi nyngkong kynthup ki ya ki Rudy and the Kool Kats, u Wanbha, u Banjop, ki Soul Groove wa u DJ Galaxez.
Ha ka sngi wa ar katæ ka 6 tarik daw wan kiwa tem wa pawnaam ka India wa tip kam ki Parikrama neitæ u DJ Knack, ka Gracyl, u Lala Wolf, ki Quiet Storm wa ki Imprints.
Kamtæ da khut sñiawbha ya phi ki paidbah wow wan sakhi ya kani ka tamasa kawa daw emlang boon ki yakob nadooh i phær phok, i pynhær diñkum, ki chaad tynre wa kiwi kiwi de.
Ka bai psiah haka sngi nyngkong man ko Rs. 250 katwa haka sngi wa ar won toh Rs. 300 wei lada kwah phi u thied Ticket neibynta waroh ar sngi man ko du Rs. 500 donhi.
Discussion about this post