• About Us
  • Contact Us
  • Privacy Policy
  • Advertise With Us
  • Terms & Conditions
Tuesday, May 13, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home News

Ka dongmusa ka Balang Unitarian kam ka charak neibynta kiwi: President UUNEI

Wyrta Staff by Wyrta Staff
September 18, 2024
Reading Time: 7 mins read
A A
0
Share on FacebookShare on Twitter

Kamwa jooh leh khlieh u snem ha ka 18 tarik u Naikhynde, ka Balang Unitarian wa em hapoh Ri-loom Khasi Jaiñtia ka jylla Meghalaya wa ha Karbi ka jylla Assam, jooh lehkmen ki ya kani ka sngi kam ka dak u kynmoo burom ya uwa seiñ ka Balang, u Babu Hajom Kissor Singh Nongbri deilang wa kiwa bood yong oo, ha uni u snem leh kawa man ynne ka sngi 18 tarik u Naikhynde 2024, ki 42 tylli ki Balang Unitarian hapoh Ri-loom Khasi Jaiñtia wa Karbi da ya chimbynta chitrhem ki u lehkmen kynmoo burom ya kani ka sngi kawa man leh ka lyngkhooh dap 137 snem i wan ka Balang Unitarian.

Ya ka Balang ha Jowai da khut kam ka Balang Bei neibhah wa ya ka Balang Unitarian ha Khasi, Jaiñtia wa Karbi da seiñ ha Jowai. Neitæ ka phang pyrdi i lehkmen ha uni u snem leh toh ka jooh hi ha waroh 42 tylli ki Balang kawa ong “Lynti ka ñiam u Blei ba pynhun mynsiem”.

Heiyatoh wa kani ka lehkmen da yoh wow yaklam wa u President ka Unitarian Union Northeast India (UUNEI), u Marki Passah ha ka Balang Bei ynne i janmiet ha Jowai, uwa da ong katkam ka phang pyrdi yong uni u snem i yumut ka niam toh kawa da pynmyllien nadooh ki warim wei da man ka luti i im, ka luti ka niam u Blai kawa wanrah boon ki yumut.

Iwa nyngkong dooh ong u toh ka luti i ya maya kam chipayu iwi yei iwi, neitæ ka luti yong ka hok, ka luti iwa sakhiat, ka luti i yarap kylliang wei man leh ka luti wa ye u e i hun ya i ha sla pyrthai.

Related posts

Da pynbna ya ka Result Interview kiwa yaleh kreh Grade IV

May 13, 2025

Khut ka NPYF-Jaiñtia Hills ya ki khynnah wa leh bha ha ki Exam yow chah pynkup burom

May 13, 2025

Heiyatoh wa i rah dongmusa won ong u, kani pynyoo ko wa em i yei kwah wa uwi pa uwi u man ki ka charak ya kiwi. Neibhah wa uwi pa uwi em u jar jiar i che wa ye u pynbha ya ka imlang sahlang, khamtam heiyatoh wa u kynrad wa booh wa thoo.

Neiliang u Homeland Lamar uwa da e ya ka khubor wa kyrpang ynne ka sngi ha ka Balang Bei ha Jowai, ong u ya kani ka bynta yong ka phang pyrdi da chim na ka kot Jingshai Blei Jingrwai wa 14 ha ka dkhot wa khaddooh kawa kdaw ya kini ki kyntien.

Wei ya kini ki kyntien da thoh leh da u khliehdooh wa seiñ hi ya ka Balang, u Babu Hajom Kissor Singh Nongbri.

Kini ki kyntien ong u kdaw ki wa hawa lai luti ha ka pyrthai em chiboon ki luti, ka luti wa yatoh wa ka mon u Blai waka luti wa yatoh waka pyrthai.

Kamtæ kyrmen u wa ki para wa ngait u lai ki ha ka luti wa yatoh wa i mon u Blai khnang yow yoh ki yei hun mynsien.

I chimbynta ka Balang Bei Unitarian wow lehkmen ya kani ka sngi da man kawa chongkun dei chimbynta chongchit ki paaid wa ngait nadooh ka yaseiñ step, yaseiñ sngi wa janmiet, neitæ ha i pynhiar ya ka lama ka Senglang kamjooh leh ha i lai paidbah deiwa rah lang ki dongmusa chirup i pynbood ya i sur rwai wa da tem ha ka kari.

ShareTweetSendShare
Previous Post

Khlaad noh ka Kong Phel Tyngkan

Next Post

Chah kem ki ar ngut deilang i drugs waka poisa ha Jowai

Next Post

Chah kem ki ar ngut deilang i drugs waka poisa ha Jowai

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar