Ka Dorbar Niamtre kawa 5 yong ki khon ka Elaka Shangpung wa da pynman da ka Seiñ Khynroo Khyllood ka Seiň Raij Shangpung

Jowai: Ka Dorbar Niamtre yong ki Khon ka Elaka Shangpung kawa chisien chisnem wada pynman da ka Seiñ Khynroo Khyllood ka Seiñ Raij Shangpung wa sdang nadooh ka 20 tarik uni u bnai da poi ko chawa kut ha ka 21 tarik ha i thaw wa wa tip kam ka Madan Um-Bam Shangpung Khliehmushut.

Ha ka 20 tarik da pynman ya ka yakop yutip (Quiz Competition) hajrong ka parom yong ka chnong Shangpung kamjooh chaphang ka Niam wada pyllai bait pyllai ryntih da ka tnat Seiñ Kyrsu Niamtre, Moosyiem, Shangpung.

Ha kani ka yakop da wan yachimbynta da ki tnat Seiñ Raij hapoh ka Elaka Shangpung heiwa kiwa jop ha ki le kyrdan da man ki waroh na ka tnat Seiñ yong ka Seiñ Raij Khynroo Khyllood Shangpung Pohshnong.

Ha ka 21 tarik nawon kam ka sngi kut kani ka Dorbar Niamtre ki khon ka Niamtre kiwa bood wa ksoh ya ka niam wayah watoor kiwa nachwa na kylleiñ ki Raij ki chnong da wan ki wow yachimbynta ha pyrdi i riam i bait wa yoophooh yoopheiñ wei yoochongkun chongkhia.

Related posts

Daw pynman ya ka General Meeting wa nyngkong ka Kur Sumer Pyllun ha Amlarem

November 23, 2024

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024

U R. Iakai, President, ka Seiñ Raij Shangpung, kam u chongknor da kdar u wow booh, u pachat ki kyntien yahkhmat hajrong ka thong yong kani ka Dorbar Niamtre heiwa ya ka Lama yong ka Seiñ ha kani ka sngi da pynhær da u Niwat Sungoh, ki kyntien ngooh blai ngooh syiem da siang da pyndep da u Bren Sayoo, dkhot ka Seiñ Raij Shangpung katwa ya ki kyntien pdiang burom won da e da ka Badamon Dhar.

Da puræ leh ya ki kyntien chim kular da u Nitajan S. Manar deiwa pynbood wa ki wa emlang ha kani ka Dorbar Niamtre.

Ki Waheh Wasian kiwa da e klam i kape hajrong ki phang waphær waphær yong kani ka Dorbar toh ka manbei Rida-I Papang, dkhot Seiñ Manbei, Khliehmushut Shangpung ha jrong ka phang “Ki Kaamram ki Manbei ha ka imlang sahlang”, u Junom Suiam, President, Seiñ Khynroo Khyllood Seiñ Raij Shangpung hajrong ka phang “Ki Luti chei Tip Bru Tip Blai”, u Monbha Papang, President, Seiñ Kyrsu Niamtre, Moosyiem, Shangpung hajrong ka phang “Ki nongrim ha ka jingngait Niamtre”, u Dr. Damewan Suchiang, Asst.Professor Tura Govt College hajrong ka phang “I stat i tip pynku ko ya ka imlang sahlang”.

Nalor kini da yoh i klam na u Dolloi Ka Elaka Jowai, u Puramon Kynjing wa da klam hajrong ka phang wa ong “Ki nia chemblai wa e jingkyrkhu”.

Da yoh leh i puræ ya ka luti wa da lai ka Seiñ Raij Shangpung na u C.S. Manar, General Secretary Seiñ Raij Shangpung.

Hapyrdi ini da pyllait emburom leh ya ka kot Ngooh Blai kawa khut pyrtuid “KUR BLAI” da u Puramon Kynjing , hei emlang u Chanki Langbang, Acting Daloi Elaka Shangpung, wa da pynmih da ka Seiñ Raij Shangpung.

Nalor kini kiyi kiyi, wow pynwyrngia won ya ki para khon ka niamtre ha kani ka Dorbar yachemlang na ki chnong waphær waphær dei sñiaw sarong ya ka rukom, dustur i chaad, i kmen yong ki dahi da ku tyngkong ki wow pynyoo, pynchongchit ha rukom ki chaad, ki rwai kiwa em ya u sur wa sñiawbang wa ki kyntien wa choh yumut.

Khaddooh da pynkut ya kani ka Dorbar Niamtre deiwa yoh ya ki kyntien khublei na D. Chulet, Asst. Secretary ka Seiñ wei pynbood won i pynhiar ya ka lama ka Seiñ da u Tiplang Lamare, Vice-Chairman ki Waheh 12-Nor Elaka Shangpung.