Shillong: Uwa e ktien yong ka Bharatiya Janata Party (BJP) uwa pait leh ya ka BJP Meghalaya, u Nalin Kohli da ong u wa ka dwar yong ka Party man ko kawa wai neibynta ki MLA ka Congress ha kani ka jylla lada kwah ki wow wanrah ya i roi i paar wei wow chakri rap miat ya ki paidbah wei yeini da ong u hadien wa da hær ki kyntien wa em ki MLA ka Congress kiwa kwah wow mih noh na ka Congress wow psiah noh cha kiwi ki Party wa em ha kani ka jylla.
Da ong u leh wa hadooh katni ympu tip ware hajrong ini i thmu ki MLA ka Congress tangwa da yoo u du lyngba ki laad pathai khubor donhi.
U Kohli da ong u leh wa ym kwah u wow klam iwon iwon hajrong ini tangwa ka dwar ka Party man ko kawa wai ya waroh kiwa wan wow psiah dei thmu wow bood ya ka nongmuna ka sorkar wa yahkhmat da u Narendra Modi ha Delhi wow wanrah ya ki kaam pynroi.
Da yoh yutip wa em ki MLA ka Congress na kani ka jylla kiaa da lai yachem ya uni u heh ka BJP, tangwa u Kohli da kyntait u yeini deiwa ong, “Ympu em napyrdi ki MLA ka Congress na kani ka jylla wow yaklam wa nga hajrong ini i thmu wow psiah cha ka Party, katwa ympu yaklam ki wa nga markhmat”.
Ha iwi won i liang da ong u wa kiwa yahkhmat ka Congress ha waroh kawi ka ri ym sñiawsuk de ki wow man kam kiwa yahkhmat tangwa boon na kini kwah ki wow kyruiñ cha ka roi ka paar.
Discussion about this post