Ka National Career Service Centre for Differently Abled, Shillong u sdang ko ya ka e sikai wa mynkna deiwa e lang waka Stipend cha kitu kiwa duna hei bor ki kjat ki kti, bor khmat, bor chkoor, i bor pyrkhat wa kiwa da chait na i kjut Nile Leprosy.
Kani ka e sikai toh chaphang ka Computer Application wa i pynchna ya ki tiar ki tar bordiñ wa pynemkaam ha ki yung ki sem.
Ka e sikai toh kawa jrong 6 bnai wei ye u pteiñ hadooh chi snem wei kani ka Stipend toh kawa Rs. 2,500 chi bnai kawa daw phah bait cha ka Bank Account.
Kitu kiwa kwah wow yaleh ya kani ka e sikai, hap ki wow phah ya ki kot ki sla nadooh ki Certificate wa lai puræ ki, Disability Certificate, Aadhaar Card, ST/SC Certificate, i dur Passport Size, ka Bank Account cha ka yung krehkaam wa em ha Keating Road, Shillong chwa ka 30 tarik uni u bnai.
Ka National Career Service Centre for Differently Abled kawa jooh tip nachwa kam ka VRC toh ka chnat wa em hapoh ka Directorate General of Employment (DGE) ka Ministry of Labour & Employment ka sorkar India kawa da kreh neibynta i bha i miat kitu kiwa man kam ki Persons with Disabilities (PwDs) namo kiwa man kyrpang deiwa e yei ya syllok, i e sikai wei wow yarap ya ki ha kiwa boon ki rukom yow ye ki wow yoh myntoi hapoh ka imlang sahlang wei yeini hapoh Meghalaya da sdang nadooh u Naichiphaw, 2022 ha Meghalaya.
Discussion about this post