Ka East Khasi hei nyngkong, ka East Jaiñtia hei wa ar wa boon dooh wa em kiwa kreh mylla na baar

Kiwa wan kreh mylla kiwa na baar ka jylla Meghalaya da em ki palat 93,000 ngut kiwa dadep wow Register hapoh ka aiñ yow pyntikna wa chngaaiñ ki manda kreh khih ki wei kamjooh wow tipmit da ka sorkar yei em ki hapoh ka jylla.

Ya ini i thap pyrtuid da leh katkam ka aiñ Meghalaya Identification, Registration (Safety and Security) of Migrant Workers Act, 2020 heiwa da em 93,282 ngut kiwa kreh mylla kiwa da yoh wow Register hapoh kani ka aiñ.

Kiwa boon dooh kini kiwa kreh mylla wa da thap pyrtuid toh ha East Khasi Hills kiwa em 41,242 ngut wei da pynbood da ka East Jaintia Hills kiwa em 29,932 ngut.

Ha kiwi ki District da em 10,138 ngut ha Ri-Bhoi, ha West Jaiñtia Hills 3,575 ngut, ha West Khasi Hills 3,820 ngut, ha South West Khasi Hills 2,858 ngut, ha West Garo Hills 782 ngut, ha North Garo Hills 372 ngut, ha South Garo Hills 326 ngut, ha East Garo Hills 183 ngut wa 55 ngut ha South West Garo Hills.

Related posts

Da kyntu ya kiwa chong chnong wym toh u pynhær phok heipor wa pynman ya ka Durand Cup

July 25, 2025

Deiwa phah pynyabi ya ki Card Ration wa u Aadhaar chem ya palat 1000 tylli ki manyung wym em hok u yoh khoo rachon

July 25, 2025

Ini i leh Registration toh iwa da sdang nadooh u snem 2021 neibynta i bha i miat kiwa na baar jylla wei ka bai Registration man ko Rs. 50 uwi wei hap wow pynthymme man ka 6 bnai.

Ka chnat Labour da yoh ko Rs. 93.28 lak kam ka bai Registration ha u snem 2024.

Kani ka aiñ toh kawa dang dep pynkylla ini wa dep heiwa ka kuna ya kitu kiwa wanrah ya kiwa kreh mylla khlem da Register da pynku na Rs. 5000 cha ka Rs. 1 lak wei da pynkrehkaam leh ya ka Crime and Criminal Tracking Network System (CCTNS).

Puræ leh: Mynjur ka sorkar ya ka Rs. 1 lak ka kuna ya kiwa wanrah ya kiwa mylla pyrchah ya ka aiñ