Jowai: Kam chibynta yong ka lehkmen dap 50 snem namo ka Golden Jubilee yong ka Kiang Nangbah Govt. College Jowai, da pynman ya ka Career Guidance & Counselling ha kani ka 12 tarik.
Ya kani ka program da pyllai da ka Dr. R.W. Thangkhiew, wei da wai pynem warom ya ka da u Professor S. De uwa man u “Senior Most Teacher” yong ka College.
Ha kani ka sngi ki bru chemphang wa wan klam toh u Dr. B.D. Cajee wa u F. Rumnong kiwa sikai yong kani hi ka college kiwa da batai bniah ki ya ki khynnah hei yatoh wa ki laiñ puræ waphær waphær hadien wa pyndep ki ya ka Class 12 wa ka Graduation kamjooh leh kammon u thooh kreh lyngba ki exam waphær waphær wa da pyllai da ka UPSC, Staff Selection, Bank PO, Bank Clerical wa kiwi kiwi.
Ki khynnah College wa ki khynnah Higher Secondary da yachim bynta chongchit ki ha kani ka sngi, katwa u Dr. J.P. Sharma da e u ya ki kyntien e khublei.
Discussion about this post