Tura : Kam chibynta ka 2nd Aqua Fest, 2017 kawa sdang nadooh ka 28 u Wisu, 2017 da e sikai wa chi sngi ya kiwa psan dakha hajrong ka phang “Scientific Fish Culture & Marketing Strategies” ynnin ka 30 tarik ha SMELC Building, Dakopgre, Tura.
Kani ka Aqua Fest toh kawa chi tayaw wa pynman da ka tnat Fisheries, Govt. of Meghalaya, Garo Hills hei yakrehlang wa ki bor district ka West Garo Hills, ka IBDLP, Basin Development Unit, Tura.
Ha kani ka esikai da wan chimbynta da kiwa boon ki SHG wa ki bru samen wa em ha ki kaam psan dakha.
U R.B.R. Marak, Superintendent of Fisheries, West Garo Hills ong u wa ka jylla Meghalaya khamtam ka ri-loom Garo em ko ka kabu ksiar neidaw em ko boon ki thaw wow tih nan dakha wei hapoh ki scheme ka Meghalaya State Aquaculture Mission wa ka Integrated Basin Development & Livelihood Promotion Programme (IBDLP) da krehlang ki 3000 ngut ki bru katni kiwa da im ja na i psan dakha.
Da ong chooh chooh u wa hapoh ka Meghalaya State Aquaculture Mission (MSAM) da em leh sa ki Special Plan Assistance (SPA), Value Chain Management Programme, Rastriya Krishi Vikas Yojna (RKVY), kiwa yarap leh yow pynheh ya ki nan wa pait da ka chnong wei wow chna leh ya ki thaw kha pylleiñ ki dakha ya ki tu wada lai bha cha khmat ha kani ka kaam.
U V. Valentine Hembrom, DPM-IBDLP/MeghaLAMP West Garo Hills ong wa u yoh nong na kani ka khih toh du neiwa ye kiwa kreh u toor cha khmat. Hei sikai wa e u da batai bniah u ya ki baam wa ye u chna na ki dakha, ki yaaw ki hat wa ye u dai ki wei da pynkut u deiwa ong wa kani ka khih toh ka wym kut de lada bien ki tang dei pteiñ ya ka neibhah ka jylla hadooh katni dang yoh dakha ko na baar jylla wei ka yaaw toh kawa heh bha.
Discussion about this post