Jowai : Ka 1st Evening Super 4 Football Tournament 2016 ka lympung yaleh bol hei miet deibor i pynche da ki light kawa sdang nadooh ka 24 Naichiphaw wei da pyllai da ka Sports and Youth Affairs Committee ka Chutwakhu Social Welfare Local Dorbar ynne da poi ko cha wa kut.
Ya ka yakhun Final da pynman ynne i miet ha pyrdi ka Cham Cham United wa ka C K United ha ka madan Basketball wa em ha rood ka madan Jrisaleiñ, Chutwakhu.
Ka yalehke man ko kawa jem chiliang heiwa ka Cham Cham da jop suk ko da 5-0.
Ka Cham Cham da sdang ko u thap kool nadooh ka minit wa 7 lyngba u Ewanmi Downi Lakiang, pyndood sa u Damehun Syih ha ka minit wa 25, u Mayalang Lanong ha ka minit wa 31, katwa u Damehun Syih won da thap biang u sa ar kool ha ka minit wa 45 wa 59.
Ka C K United da yoh ko ki laad wow thap kool tangwa sih bhah ko wa lai charood bait hadooh ka wi ka chut penalty.
Ya ki khusnaam cha kiwa jop da saam da u kongsan ha kani ka sngi u D M Wallang, MCS katwa cha kiwa rem da saam da u EMH Passah u Working President ka WJDSA.
Ha kani ka sngi da saam leh ya ki khusnaam cha u Wanmi Chwaki Passah kam u Most’ Promising Player’ wa cha u Mayalang Lanong yei naam’ Top Scorer’ uwa yoh u thap 11 tylli ki kool.
Kam wow pynkynmo ha kani ka Ka 1st Evening Super 4 Football Tournament da wan chimbynta 32 tylli ki dhab.
Discussion about this post