Jowai : Ka sorkar Meghalaya hapoh ka skhim Chief Minister’s Career Guidance & Counselling Programme daw pynman ko da ka ‘Free Coaching’ namo ka esikai mynkna ya ki khynnah wa thmu u yaleh ya ki eksaam Medical wa ki Engineering Entrance.
Ya kani ka esikai daw pynman ha Thomas Jones College nadooh ka 28 tarik u Wisu (March) kawa du ya ki khynnah wa da pass class XII science kamjooh ki wa dang yaleh klass XII.
Ya kani ka Free Coaching daw pynlai da ka Sachdeva New PT College kawa man kawi na ki skur e Coaching wa heh dooh hapoh India.
Ha chwa u pynman ya kani ka ‘Free Coaching’ daw em chwa ka Pre-Admission Test yow jied ya ki khynnah wow ye u yoh ya kani ka esikai mynkna. Ya kani ka Pre-Admission Test daw pynman ha ka 19 tarik uni u bnai ha Thomas Jones College heipor 3 waje hadooh 4 waje. Daw jied leh du 100 ngut donhi na ki wa wan yaleh Pre-Admission. Ya ki form ye phi u pyndap pyn ha ka sngi yaleh Pre-Admission Test.
Ye phi leh u yoh bhah ya ka Scholarship wa da booh hadooh T. 50 lak.
Ya i yutip wa bniah ye phi u yachem wa u ma Iaidbha Phawa ha ophis u ka Planning Branch ha DC ophis næ phone ha u number 9856034293.
Discussion about this post