Ka Hasina toh u suki ko kiaw hawa em ko ha India: Muhammed Yunus 

U khlieh ka sorkar wa chipor ka Bangladesh, u Muhammed Yunus da ong u wa ka Prime Minister warim ka ri, ka Sheikh Hasina toh u suki ko kiaw katwa dang sah ko ha India. 

U Yunus, ya uwa da thung kam uwa e buit ka sorkar Bangladesh hadien wa haap ka sorkar wei da yut ka Hasina cha India, da ong u wa i klam ka Hasina na India toh i wym yoosuk.

Da ong u wa ini ymtoh iwa miat ya ka Bangladesh kamjooh ya ka India kamtæ emkaam u man ko kawa suki kiaw wei da ong u leh ka India toh u pynkylla ko yei pyrthat wa lait na ka Awami League, kiwi ki Party ha Bangladesh toh ki Party Islam wei lada chimkti da kiwi daw man ko kam ka Afghanistan næ Pakistan.

U Yunus da pyrchah u yei e hukum ka Hasina na India heiwa da dawa ko wow kem wei pynchitom ya kitu kiwa emkti wow pynkulmar wei pynyap bru heipor wa pynman yei yakhih heiwa oo won ong u wa manda toh i por, ka India daw hap ko wow e kti ya ka Hasina yow yoh u bichaar ya ka.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Kam wow kdaw heini ka Hasina da hiar chuki ko wei da yut ko na Bangladesh cha India hadien i yakhih wa neh dei yong tayaaw khamtam heiyatoh wa ka Reservation.