Ka Housie wa Rs. 5 lak, i pynkhle Scorpio, i yadaw masi wa kiwi de ha ka Fete wow pynman ha Jalyiah

Ka Fete neibynta wow chna ya ka yung skur ka S.R.B. UP School Jalyiah, East Jaiñtia Hills daw pynman ka ha ka 21 wa 22 tarik uni u bnai ha madan Jalyiah Kmai heiwa daw em ka Lucky Draw, ka Bumper Housie wa i pynwyrngia da kiwa boon najrong ka yadaw masi ha waroh ar sngi.

Ha ka 22 tarik daw pynkhle leh ya ka Lucky Draw heiwa ka 1^st Prize toh da ka Mahindra Scorpio Classic S11 (Top Model), 2^nd Prize da ka poisa kawa Rs. 2,00,000 katwa ka 3^rd Prize won toh Rs. 1,00,000 wei da em leh ki Consolation Prize ḷe tylli kiwa mar Rs. 5000 kawi. Ha kani ka miet daw wan pynwyrngia da u DJ LZIO.

Ha ka 22 tarik daw em ka Bumper Housie kawa dapoi Rs. 5,00,000 ka song poisa kawa Rs. 3,00,000 kam ka First House, ka Second House won Rs. 1,00,000 katwa ka 3^rd House won Rs. 50,000.

Ki Jolly 5, ki Corner wa ki Line man ki mar Rs. 10,000.

Related posts

Deilang ka yalehbol hapyrdi ka liang u Wailadmiki Shylla wa u Kyrmen Shylla ha ka Fete ka Mukhla Raij LP School | Daw em leh ka Bumper Housie kawa Rs. 6 lak

March 9, 2026

Khut ka chnong Lumputhoi wow wan chimbynta ha ka Couples Dancing Competition

March 9, 2026

I dor ka Card toh Rs. 600 kawi tangwa lada thied ar tylli daw yoh hei dor wa Rs. 1000 wei kani man ko du ya kitu kiwa thied hadooh ka 21 tarik donhi.

Ha kani ka sngi pynkut daw pynwyrngia leh da u Monmi & Johnny wei daw em leh u Dony.

Kamtæ da khut sñiawbha ya phi ki paidbah wow ya wan pynchit ya kani ka Fete neibynta i thmu wa miat yow yarap pynmih poisa yow chna ya ka skur.